როგორც ყველა ვარსკვლავური დედა, მომღერალი ბიონსეც რეკორდულ დროში აპირებს ფორმაში ჩადგომას. რომელი დიეტა და ვარჯიშების პროგრამა აირჩია ბიონსემ მშობიარობის შემდეგ წონაში დასკლებად?
ბიონსესა და ჯეი-ზის ნანატრი პირმშო ქვეყანას 7 იანვარს მოევლინა. ბედნიერი შემთხვევიდან თვენახევრის შემდეგ ბიონსემ გადაწყვიტა, რომ ორსულობაში დაგროვილი კილოგრამები მოიშოროს. მიუხედავად იმისა, რომ მომღერალი კმაყოფილი იყო თავისი სრული ფორმებით და საზოგადოებაში გამოჩენასაც არ ერიდებოდა, მან მაინც სერიოზულად მოკიდა ხელი საკუთარ აღნაგობაზე ზრუნვას.

ბევრი ვარსკვლავი ამხელს გახდომის საიდუმლოს. გამონაკლისი არც ბიონსე აღმოჩნდა, რომელმაც ჟურნალისტებს თავისი ფიტნეს-გეგმის შესახებ უამბო. როგორც გაირკვა, წონაში დაკლების პროგრამის მიხედვით, ვარსკვლავი ყოველ დილით 5 საათზე იმისათვის დგება, რომ ივარჯიშოს.

ფიტნესს ის 4 საათს უთმობს. სპეციალისტებმა ბიონსესთვის შეიმუშავეს ვარჯიშების სპეციალური კომპლექსი, რომელშიც შედის კარდიოვარჯიშები, იოგას ელემენტები, პილატესი და, რათქმა უნდა, ცეკვა.

შეიცვალა ვარსკვლავის რაციონიც. დიეტის განავლობაში ბიონსე დღეში 6-ჯერ პროტეინებით გამდიდრებულ საკვებს იღებს, რა თქმა უნდა, მცირე დოზებით. ბიონსე უპირატესობას ცილისგან მომზადებულ ომლეტსა და პროტეინის კოქტეილებს ანიჭებს.

როგორც ჩანს, მომღერალი მართლაც სერიოზულად ეკიდება ფორმაში ჩადგომის საკითხს - მას განზრახული აქვს, რომ ისეთი ახალბედა და მოხდენილი დედიკოების რეკორდი მოხსნას, როგორებიც არიან ალესანდრა ამბროსიო და მირანდა კერი. შეგახსენებთ, ალესანდრა ამბროსიო მშობიარობიდან მეორე თვეს, ხოლო მირანდა კერი - ნახევარ წელიწადში გავიდა პოდიუმზე...